ماكنت أصدق تصير قريب من عينـي !!
حتى بالأحلام صعب أنـي .. أصدقهـا
بس الله جابك وصار البعـد .. مترينـي
والعين في [ شوفتك ] محـدن يضايقهـا
ياسيدي .. وأنت [ أول ] من سكـن فينـي
يا [ أمنيّـه ] ودي بالدنـيـا أحققـهـا
ذكراك.. دايـم بعينـي ماتخليـنـي
أشوفك .. بكل مغرب شمس ومشرقهـا
من يشبهك أنـت [ يـا ورد البساتينـي ]
كل أرض .. ماجيتها [ يبسـت ] حدايقهـا
أغليك وأرضـاك بالدنيـا .. يكفينـي
بس أنت ترضى ؟! .. جميع الناس أبحرقها !!
غلاك .. ماهوب لـه يومـن ويومينـي
من مبطي والروح بين يديك [ سارقهـا ]
هو [ أنت ] لاحظت يوم أنـك تماشينـي
وشلون رجلي على ممشـاك سايقهـا
ماغير أحاتيك مـن ناسـن .. مجانينـي
عيني .. تراعيـك والدمعـات خانقهـا
لاتحسب أنـي [ خلـي ] والله معافينـي
مر .. الليالـي سبـب [ فرقـاك ] ذايقهـا
ماكنت أصدق أشوفك أنت في عينـي
حتـى .. بالأحـلام والله ما أصدقـهـا !!